Paite Inndongta Bawldan

User Rating: 5 / 5

Star ActiveStar ActiveStar ActiveStar ActiveStar Active
 

Paite Inndongta Bawldan

Inndongta Bawlna: Pa khat in a tapa zi nei, a inntuan chiangin hiai anuai a kigen bang in Inndongta a bawlsak hi:
Inntek: Inn neipa inntek ahi.
Thallouh: Inntekpa sanggam pianpih Upapen hiam a kinaihpih gam kiluahthei ding akinaih pihpen Thallouh in a zang hi. Tapa Upapen ahihleh a pa sanggam a Papi hiam a Paneu hiam a zang hi.
Thallouh Mang/Thallouh Thusa: Inntekpa sangam khat hiam, akinaihpih a behsung a mi khat leng Thallouhmang/Thallouh Thusa in a zang thei.
Thusapi: Inntekpa a ding a amah beh leh phung sung mi hilou, beh dang mi amah it leh ngaina khat a zang hi.
Beh Thusa: Beh leh Phung sung mi Beh Thusa in a kizang.
Tanupi: Inntekpa sanggam numei hiam amah tanu upa pen hiam Tanupi a zat ahi.
Tanu Nihna: Inntekpa sanggam numei khat hiam, a nite laka khat hiam, a tanute laka khat Tanu nihna in a kizang.
Tanu Thumna: Inntekpa sanggam numei khat hiam, a beh sung numei khat hiam amah tanute laka khat Tanu thumna In a kizang.
Tanu Dangte: Tanu a pangthei ding a tam a leh sagihna tan zattheih ahi.
Nuphal: Inntekpa zi sanggam numeite pasal khat peuh nuphal in a kizang.
Pu Pi: Inntekpa nu Pa hiam a sanggam pasal “Pu Pi” a kichi.
Pu nau: Inntekpa tate pu pen “Pu Nau” a kichi.
Zawl: Inntekpa toh kithuahthei, beh leh phung sung mi hikhalou beh dangdeuh mi Zawl in a kiguang hi.

SAHAWMDAN TANGPI

Inntekpan inn-sa hiam, gamsa hiam a thah chiangin a inndongta lak a sahawm dan hiai anuai a bang ahi.

Inntek: Salu, alung, asin leh a sungkha
Thallouh: Saphei tumtan.
Thallouhmang: Saliang pak
Thusapi: Saphei lai.
Beh Thusa: Anaak mong.
Tanupi: Sa-ik khat.
Tanu nihna: Sa-ik tumkhat.
Tanu Thumna: Sa-ik mong
Pu Pi: Sa ngum/ngawng/bil.
Pu Nau: Sa sungching.
Zawl: Sa Zangsa.
Nuphal: Sabak Khat.
Tanu Dangte: Sabak Khat.

Theihtuak: A tangpi a gen in, inndongta vaihawm leh thupuka inntek in a zui a, himahleh inntek in thu khenkhat ah inndongta vaihawm zuihlouh theihna anei hi.

Paite Customary law and Practices 2013 laibu published by PTC apat a teisawn ahi.
Sa hawm dan limlak - Rika Guite

Search